Սի Ցինփինը շնորհավորել է Ալիևին Նովրուզի տոնի կապակցությամբ

Պատիվ ունեմ սրտանց երախտագիտությունս հայտնելու Ձեզ՝ Գարնանային տոնի կապակցությամբ Ձեր շնորհավորական նամակի համար։ Չինաստանի կառավարության և ժողովրդի անունից իմ անկեղծ շնորհավորանքներն եմ հղում Ձեզ և Ադրբեջանի ողջ ժողովրդին՝ ավանդական Նովրուզ տոնի կապակցությամբ։

Ինչպես հայտնում է Caliber.Az-ը, այս մասին ասված է Չինաստանի Ժողովրդական Հանրապետության նախագահ Սի Ծինփինի՝ Ադրբեջանի նախագահ Իլհամ Ալիևին Նովրուզի տոնի կապակցությամբ հղած շնորհավորական ուղերձում։

«Ներկայումս դինամիկ զարգանում է Չինաստան-Ադրբեջան ռազմավարական գործընկերությունը, ամրապնդվում է քաղաքական փոխվստահությունը, առաջ է մղվում համագործակցությունը «Մեկ գոտի, մեկ ճանապարհ» նախագծով համատեղ շինարարության շրջանակներում, խորանում է արդյունավետ փոխգործակցությունը միջազգային ասպարեզում։

Ես մեծ նշանակություն եմ տալիս Չինաստանի և Ադրբեջանի միջև հարաբերությունների զարգացմանը և պատրաստ եմ ջանքեր գործադրել Ձեզ հետ ավանդական բարեկամության հետագա ամրապնդման և փոխշահավետ համագործակցության խորացման համար՝ ի շահ երկու երկրների ժողովուրդների»,- ասված է Սի Ծինփինի շնորհավորական ուղերձում։