Ադրբեջանի դեսպանը Ռուսաստանի մշակույթի նախարարի հետ քննարկել է համատեղ կինոնախագծի ստեղծման հարցը

2022 թվականի սեպտեմբերի 5-ին Ռուսաստանում Ադրբեջանի դեսպան Փոլադ Բյուլբյուլօղլուն հանդիպել է Ռուսաստանի Դաշնության մշակույթի նախարար Օլգա Լյուբիմովայի հետ։

Դեսպանատան մամուլի ծառայությունից APA-ի մոսկովյան թղթակցին հայտնել են, որ հանդիպմանը Ադրբեջանի դեսպանը շնորհակալություն է հայտնել ՌԴ մշակույթի նախարարին ընդունելության համար և խոսել Ռուսաստանի և Ադրբեջանի հարաբերությունների, այդ թվում՝ մշակույթի ոլորտում համագործակցության մասին։

Փոլադ Բյուլբյուլօղլուն նախարարին մանրամասն տեղեկացրել է նաև ԱՊՀ մասնակից երկրների հումանիտար համագործակցության միջպետական հիմնադրամի խորհրդի նախագահի պաշտոնում իր գործունեության, ինչպես նաև հիմնադրամի միջոցով իրականացվող աշխատանքների մասին։

Հանդիպման ընթացքում մտքերի լայն փոխանակություն է ծավալվել ԱՀ և ՌԴ մշակույթի նախարարությունների միջև համագործակցության ծրագրի, միջազգային կազմակերպությունների շրջանակներում մշակութային համագործակցության ընդլայնման, տեղեկատվության փոխանակման, ինչպես նաև համատեղ կինոնախագծի ստեղծման, Ադրբեջանում և Ռուսաստանում կազմակերպվող կինոփառատոններին երկու երկրների ֆիլմերի մասնակցության հարցերի շուրջ։