Ալիևը զգուշացրել է Բլինքենին

Ապրիլի 3-ին ԱՄՆ պետքարտուղար Էնթոնի Բլինքենը զանգահարել է Ադրբեջանի նախագահ Իլհամ Ալիևին։

Ինչպես հաղորդում է Caliber.Az-ը, այս մասին տեղեկությունը տեղադրված է Ադրբեջանի Հանրապետության ղեկավարի պաշտոնական կայքում։

Էնթոնի Բլինքենն ասել է, որ տեղյակ է ադրբեջանական կողմի մտահոգություններին՝ ապրիլի 5-ին ԱՄՆ-ի, Եվրամիության և Հայաստանի եռակողմ հանդիպման առնչությամբ։ Այդ կապակցությամբ Էնթոնի Բլինքենը կարևոր է համարել նախագահ Իլհամ Ալիևի հետ զրուցելն ու պարզաբանել այս հարցը։

Պետքարտուղարն ընդգծել է, որ առաջիկա հանդիպման էությունը լինելու է Հայաստանի տնտեսական զարգացման հարցերը։
Իլհամ Ալիևը նշել է, որ, ըստ իրեն հասանելի տեղեկությունների, եռակողմ հանդիպման նախապատրաստման գործընթացում քննարկվել են այնպիսի հարցեր, ինչպիսիք են՝ Հայաստանին ռազմական աջակցությունը և համատեղ զորավարժությունների անցկացումը, Ադրբեջանին սահմանակից տարածքներում ռազմական ենթակառուցվածքների ստեղծումը, Հայաստանի սպառազինումը՝ ԵՄ խաղաղության եվրոպական մեխանիզմի միջոցով և ԱՄՆ բյուջեի հաշվին.

Պետության ղեկավարն ընդգծել է, որ նման քայլերը, որոնք հակաադրբեջանական բնույթ ունեն, այդ թվում՝ Ֆրանսիայի կողմից Հայաստանին զինելու քաղաքականությունը, նպաստում են տարածաշրջանում սպառազինությունների մրցավազքին և կհանգեցնեն սադրանքների։

Էնթոնի Բլինքենն ընդգծել է, որ ապրիլի 5-ի հանդիպումը ուղղված չէ Ադրբեջանի դեմ:

Զրույցի ընթացքում քննարկվել են Հայաստանի և Ադրբեջանի միջև խաղաղության բանակցությունները։ Իլհամ Ալիևը նշել է, որ խաղաղության պայմանագրի տեքստի շուրջ Բեռլինում ԱԳ նախարարների բանակցությունները օգտակար են գործընթացն առաջ մղելու տեսանկյունից, և ընդգծել է բանակցություններն արագացնելու անհրաժեշտությունը։ Պետության ղեկավարն ասել է, որ Արևմուտքում հնչեցված մեղադրանքները Հայաստանի վրա հարձակվելու Ադրբեջանի մտադրության մասին լիովին անհիմն են։

Իլհամ Ալիևն ասել է, որ ապրիլի 2-ին Փարիզում Էնթոնի Բլինքենի հետ ասուլիսում Ֆրանսիայի ԱԳ նախարարը ստել է՝ Ադրբեջանին մեղադրելով Հայաստանի տարածքային ամբողջականությունը չճանաչելու մեջ, և որ մեր երկիրը սպառնալիքի աղբյուր է հանդիսանում Հայաստանի համար։ Պետության ղեկավարն ընդգծել է Ադրբեջանի հավատարմությունը՝ 2022 թվականին Պրահայի հանդիպման ժամանակ ընդունված հայտարարությանը և Ալմաթիի հռչակագրին։

Նախագահ Իլհամ Ալիևի խոսքով, ԱՄՆ-ի, Եվրամիության և Հայաստանի եռակողմ հանդիպման, որը նախատեսված է ապրիլի 5-ին, ոչ թափանցիկ նախապատրաստումը, այն փաստը, որ այն ներառական չի կրում և չի չեղարկվում՝ չնայած Ադրբեջանի արդարացի բողոքներին, կհանգեցնեն ոչ թե խաղաղության և համագործակցության, այլ բաժանարար գծերի ստեղծմանը և, որպես հետևանք, լարվածության Հարավային Կովկասում։