Ալիևը խոսել է Եվրոպա գազի մատակարարումների ավելացման մասին

Բաքվում մեր ստեղծած ռազմավարական էներգետիկ գործընկերությունը նախատեսում է մինչև 2027 թվականի վերջը կրկնապատկել գազի մատակարարումները դեպի Եվրոպա, և մենք շարժվում ենք դեպի այդ նպատակը։

Ինչպես հաղորդում է Caliber.Az-ը, այս մասին ասել է նախագահ Իլհամ Ալիևը Օքսֆորդում «Եվրոպական քաղաքական համայնքի» 4-րդ գագաթնաժողովի շրջանակներում տեղի ունեցած «Էներգետիկա և հաղորդակցություն» թեմայով կլոր սեղանի ժամանակ:

«Եթե 2021 թվականին ադրբեջանական գազի մատակարարումները Եվրոպա կազմում էին 8 միլիարդ խորանարդ մետր, ապա այս տարի այդ ծավալը կկազմի մոտավորապես 13 միլիարդ խորանարդ մետր։ Արտահանման ընդհանուր ծավալը 2021 թվականին կազմել է 18 միլիարդ խորանարդ մետր, իսկ այս տարի կկազմի 25 միլիարդ խորանարդ մետր, ընդ որում այդ ծավալի կեսից ավելին ուղղվելու է Եվրոպա»,- նշել է պետության ղեկավարը։