Ալիևը Շարիֆին. Մենք երախտապարտ ենք Պակիստանին մշտական աջակցության համար
Ադրբեջանի նախագահ Իլհամ Ալիևը շնորհավորական ուղերձ է հղել Պակիստանի վարչապետ Մուհամմադ Շահբազ Շարիֆին՝ Պակիստանի վարչապետի պաշտոնում վերընտրվելու կապակցությամբ։
Ինչպես հայտնում է Caliber.Az-ը, ուղերձում ասվում է. «Սրտանց շնորհավորում եմ Ձեզ Պակիստանի Իսլամական Հանրապետության վարչապետի պաշտոնում վերընտրվելու կապակցությամբ։
Եղբայրական երկրի և վստահելի գործընկեր Պակիստանի հետ մեր հարաբերությունների վերընթաց զարգացումը գոհունակություն է առաջացնում։ Կրոնական և մշակութային արմատներով միմյանց հետ կապված մեր երկրները արդյունավետորեն համագործակցում են՝ փոխադարձ հետաքրքրություն ներկայացնող ոլորտներում, ինչպես երկկողմ, այնպես էլ բազմակողմ ձևաչափով: Մենք երախտապարտ ենք Պակիստանին՝ մշական աջակցության և արդար դիրքորոշման համար՝ մեր երկրի տարածքային ամբողջականության, ինքնիշխանության և միջազգայնորեն ճանաչված սահմանների անձեռնմխելիության հարցում։
Մենք վճռական ենք ավելի ընդլայնելու Ադրբեջանի և Պակիստանի միջև կապերն ու ռազմավարական գործընկերությունը՝ հիմնված եղբայրության, բարեկամության, փոխադարձ վստահության և աջակցության վրա։ Հրավիրում եմ Ձեզ այցելել Ադրբեջան՝ շարունակելու մեր քաղաքական երկխոսությունը և կարծիքներ փոխանակելու՝ երկկողմ համագործակցության զարգացման հետագա հեռանկարների շուրջ։
Մաղթում եմ Ձեզ քաջառողջություն, երջանկություն, հաջողություններ ձեր առաջիկա պատասխանատու գործունեության մեջ՝ ի շահ եղբայրական Պակիստանի և նրա ժողովրդի»։
editor@caliber.az
+994101234567
Азербайджан, Баку, ул. Низами, 203, Af Business House, 5-й этаж