Բաքվում անցկացվում է կրթությանը նվիրված միջազգային համաժողով

Ապրիլի 23-24-ը՝ Ադրբեջանի Եվրոպական դպրոցում (EAS) կրթության թեմայով միջազգային համաժողով է անցկացվում։

Ինչպես հայտնում է Caliber.Az-ը, բացման արարողությանը մասնակցել են՝ Բաքու քաղաքի կրթության վարչության ղեկավար մեհրիբան Վալիևան, կրթության ոլորտի փորձագետ, վաստակավոր ուսուցիչ Ասիֆ Ջահանգիրովը, EAS տնօրեն Ֆրանչեսկո Բանչինին։

Համաժողովը նվիրված է՝ համավարակի հետ կապված մարտահրավերների և հետհամավարակային շրջանում կրթության վիճակի, ուսուցիչների վերապատրաստման կարիքների և նոր նորմերին հարմարվելու մարտահրավերներին: Միևնույն ժամանակ, համաժողովի կարևոր թեմաներն են՝ բոլոր սովորողների համար կրթության մատչելիության ապահովումը և նրանց ներգրավվածությունը ուսումնական գործընթացում։

Մեհրիբան Վալիևան հայտարարել է, որ համավարակի ընթացքում ամենակարևոր մարտահրավերներն են դարձել՝ արդյունավետ հեռավար կրթություն ապահովելու ուղիները, ինչպես նաև այս դժվարին ժամանակահատվածում սովորողներին և ծնողներին աջակցությունը։

Ասիֆ Ջահանգիրովի կարծիքով՝ կրթության նկատմամբ մոտեցումը պետք է փոխվի. «Հիմա աշխարհում պատերազմներ են։ Ուսումնական գործընթացը սիրում է լռություն ու խաղաղություն»։