Ադրբեջանում բրոնզե դարի բնակավայրի մնացորդներ են հայտնաբերվել ԼՈՒՍԱՆԿԱՐ

Յարդըմլիի շրջանի Քեչելեքերան գյուղում՝ Վիլյաշչայ գետի աջ ափին, ավտոճանապարհի շինարարության ժամանակ, հնագույն ժամանակաշրջանին վերաբերող գտածոներ են հայտնաբերվել։
 
Ինչպես հաղորդում է Report-ը, պեղումների ընթացքում հայտնաբերվել են գետաքարից պատրաստված հիմքերով բնակելի տների բեկորներ, տարբեր ձևերի և չափերի կենցաղային սափորների բեկորներ, մանրանկարչական կենցաղային իրեր, ոսկրային ճախարակներ, ինչպես նաև խոշոր և մանր անասունների բազմաթիվ ոսկրաբանական մնացորդներ։ Գտածոները վկայում են կավագործության և ջուլհակային արհեստների զարգացման, ինչպես նաև անասնապահության լայն տարածման մասին՝ տնային տնտեսությունում։
 
Նշենք, որ Յարդըմլիի շրջանում հնագիտական պեղումներ են իրականացվում ուշ բրոնզ-վաղ երկաթի դարաշրջանին վերաբերող բնակավայրում։