Քանի՞ գործող փաստաբան կա Ադրբեջանում։

Այսօր 77 նոր թեկնածուներ մասնակցել են երդման արարողությանը և միացել են Ադրբեջանի փաստաբանների  կոլեգիային (ՓԿ),  դրանով երկրում փաստաբանների թիվը հասել է մինչև 2777-ի:
 
Ինչպես հաղորդում է Report-ը, այս մասին հայտարարել է  ՓԿ  նախագահ Անար Բագիրովը՝ «Սահմանադրության և ինքնիշխանության տարվա» շրջանակներում ՓԿ նախագահության ընդլայնված նիստում:
 
Նա նշել է, որ այսօր ընդունված թեկնածուների թվում կան 59 տղամարդ և 18 կին. «Նրանցից 7-ը աշխատելու են տարածաշրջաններում, իսկ 70-ը՝ մայրաքաղաքում: Կին փաստաբանների հարաբերակցությունը փաստաբանական պալատի անդամների ընդհանուր թվի համեմատ՝ հասել է 17%-ի՝ ավելանալով մինչև 595-ի»:
 
Բագիրովը հավելել է, որ 2018 թվականից ի վեր փաստաբանական պալատ ընդունվելու համար անցկացվել է 15 թեստային քննություն. «Այս ընթացքում քննություններին մասնակցել է 6480 թեկնածու, որոնցից 1912-ը հաջողությամբ անցել են ուսուցման պարտադիր փուլը, երդում է տվել և դարձել փաստաբանական կոլեգիայի անդամ»։