ԺՏՆՑ-ում «Ադրբեջանի» տաղավարում Միջազգային երաժշտական ​​փառատոն կանցկացվի

ԺՏՆՑ-ում «Ադրբեջանի» տաղավարի ջերմոցում առաջին անգամ «Կոնսոնանս» Միջազգային երաժշտական փառատոն կանցկացվի։

Ինչպես հայտնում է Ազերթաջը, ապրիլի 25-26-ը ԺՏՆՑ-ում «Ադրբեջանի» տաղավարի ջերմոցում՝ Կ.Կարաևի անվան մանկական երաժշտական դպրոցն առաջին անգամ «Կոնսոնանս» միջազգային երաժշտական փառատոն կկազմակերպի։

Փառատոնի «Կոնսոնանս» անվանումը պատահական չի ընտրվել. Կազմակերպիչներն ընդգծում են, որ Consonance երաժշտական տերմինը նշանակում է համաձայնություն։ Արդեն երկար տարիներ Մոսկվայում՝ Կարա Կարաևի անվան դպրոցի հարթակում համախմբվում են երաժշտական կատարողները, երաժշտական ուսումնական հաստատությունների սովորողները և արվեստի գործիչները։

Մոսկվայի Կարա Կարաևան անվան մանկական երաժշտական դպրոցը հայտնի է նրանով, որ եղել է մանկական տարբեր խոշոր երաժշտական նախագծերի, փառատոների և մրցույթների կազմակերպիչ։
Այս տարվա սկզբից փառատոնի կազմակերպիչները հայտարարել են՝ նախագծին մասնակցելու հայտերի հավաք։ 100-ից ավելի հայտ է ստացվել ամբողջ աշխարհից։ Նրանցից լավագույնները երկու օրվա ընթացքում ելույթ կունենան մոսկվացիների ու մայրաքաղաքի հյուրերի համար։