Իլհամ Ալիև. Ադրբեջանը ցանկանում է լինել վերականգնվող էներգիայի ոլորտում առաջատարների թվում

Մենք զգում ենք, որ էներգետիկ ոլորտում կարևոր փոխակերպման գործընթացի մաս ենք կազմում։ Այս առումով Ադրբեջանը չի ցանկանում ետ մնալ, ցանկանում է վերականգնվող էներգիայի աղբյուրների ոլորտում լինել առաջատար երկրների շարքում։

Ինչպչես հայտնում է Ազերթաջը, այս մասին ասել է Ադրբեջանի նախագահ Իլհամ Ալիևը՝ ելույթ ունենալով Բաքվի Էքսպո կենտրոնում՝ Caspian Oil and Gas 28-րդ միջազգային ցուցահանդեսի և Caspian Energy and Green Energy 11-րդ միջազգային ցուցահանդեսի բացման պաշտոնական արարողության ժամանակ։

Ընդգծելով, որ ուրախ է միջոցառմանը տեսնել վերականգնվող էներգիայի ոլորտում ավելի ու ավելի շատ ընկերություններ՝ պետության ղեկավարը վստահություն է հայտնել, որ ժամանակի ընթացքում այդ ընկերությունների թիվը կաճի։