Իլհամ Ալիև. Ադրբեջանում գործնականորեն ավարտված են տրանսպորտային և կապի բոլոր նախագծերը

Ադրբեջանի տարածքում տրանսպորտային և հաղորդակցության բոլոր նախագծերը գործնականում ավարտված են։ Ավարտվել է տրանսպորտային և լոգիստիկ ենթակառուցվածքի ստեղծումը, և այսօր մենք աշխատում ենք գործընկերների և հարևանների հետ՝ փոխադրումների ծավալների ավելացման և Ադրբեջանի տարանցման հնարավորությունների մեծացման նպատակով։

Ինչպես հաղորդում է Caliber.Az-ը, այս մասին նախագահ Իլհամ Ալիևը հայտարարել է «Ռոսիա 24» հեռուստաալիքի «Իշխանության բանաձև» հաղորդաշարի ժամանակ։

«Տեղեկատվական և հեռահաղորդակցության տեխնոլոգիաների ոլորտում նույնպես լավ աշխատանք է կատարվել: Ադրբեջանն արդեն երեք արբանյակներով տիեզերական ակումբի անդամ է։ ՏՀՏ ոլորտը շատ ակտիվ զարգանում է, և այս ոլորտում շատ զգալի աճ կա։ Ինչ վերաբերում է այլ ոլորտներին, ապա, իհարկե, առաջին հերթին ես կնշեի գյուղատնտեսությունը, որտեղ կա շատ մեծ ներուժ և շատ մեծ ներդրումներ են կատարվել, աճը բավականին զգալի է։ Մենք մեծ ուշադրություն ենք դարձրել և դարձնում զբոսաշրջությանը, ստեղծվել է ժամանակակից զբոսաշրջային ենթակառուցվածք, բայց, իհարկե, համաճարակը շատ ծանր հարված հասցրեց այս ոլորտին։ Մենք հիմա մտածում ենք ներքին զբոսաշրջության խթանման մասին»,- ասել է պետության ղեկավարը։