Իլհամ Ալիև. Այսօր գլոբալիզացիան այլ անվան տակ է արմատավորվում

Այսօր գլոբալիզացիան այլ անվան տակ է արմատավորվում։

Ինչպես հայտնում է Caliber.Az-ը, այս մասին Իլհամ Ալիևը հայտարարել է՝ Ադրբեջանի Երիտասարդության օրվա 25-ամյակին նվիրված Երիտասարդական ֆորումի բացմանը:

«Այդ երևույթի հիմնական նպատակը տարբեր երկրների ներքին գործերին միջամտելն է, մարդկանց, հատկապես երիտասարդներին, ընդհանուր «արժեքների» շուրջ համախմբելը, կոսմոպոլիտ երիտասարդության կրթումը և, իհարկե, այդ երկրների կառավարումը»,- ասել է նա։

Իլհամ Ալիևն հայտարարել է, որ եթե նայենք հեռավոր պատմությանը, կտեսնենք, որ նպատակներն ու խնդիրները չեն փոխվում, փոխվում են պայքարի ձևերն ու մեթոդները։

«Հեգեմոնիայի համար պայքարում առանձնակի հետաքրքրություն են ներկայացնում մեծ նշանակություն ունեցող երկրները, բնական ռեսուրսներով հարուստ երկրները և շատ ռազմավարական կարևոր աշխարհագրական դիրք ունեցող երկրները։ Քանի որ այս բոլոր գործոններն առկա են նաև Ադրբեջանում, մենք նույնպես դա բազմիցս նկատել ենք մեր անկախության տարիների ընթացքում։ Մենք բախվում ենք այս երևույթին, դիմադրում ենք դրան, և կարող եմ ասել, որ կարողացել ենք հաղթահարել այդ վտանգները։ Այսօր ադրբեջանական հասարակությունը և Ադրբեջանի կառավարությունը միանշանակ կանգնած են ազգային շահերի պաշտպանության դիրքերում»,- հավելել է նախագահը։