Իլհամ Ալիև. Եթե կովկասյան երեք երկրները միավորեն իրենց ջանքերը, տարածաշրջանը շատ ավելի անվտանգ կդառնա

Ցավոք, Հայաստանը չի արձագանքել խաղաղության համաձայնագրի ստորագրման մեր առաջարկին, որը կլինի շատ պարզ և հիմնված կլինի միջազգային իրավունքի հիմնարար սկզբունքների վրա։ Հանձնակատար Խանը ակնարկել է այստեղ Հայաստանի բացակայության մասին։ Նա ասել է, որ մասնակցում են Հարավային Կովկասի երկու երկրներ, բայց դրանք առնվազն երեքն են։ Ես գիտեմ, թե ում նկատի ուներ նա: Բայց ինչո՞ւ Հայաստանը չկա։ Որովհետև Հայաստանը մերժեց Վրաստանի հետ մեր առաջարկը՝ համագործակցության եռակողմ ձևաչափ սկսելու մասին։

Այս մասին, ըստ AZERTAC-ի, հայտարարել է Ադրբեջանի նախագահ Իլհամ Ալիևը՝ Դավոսում Համաշխարհային տնտեսական ֆորումի շրջանակում՝ «Եվրասիական միջին միջանցք. ճանապարհից դեպի մայրուղի» թեմայով պանելային հանդիպման ժամանակ։

«Ես բարձր եմ գնահատում իմ ընկեր Իրակլի Ղարիբաշվիլիի ջանքերը, ով կազմակերպել է Ադրբեջանի և Հայաստանի արտգործնախարարների հանդիպումը, որին միացել է նաև վրացի գործընկերը։ Մեր առաջարկն էր՝ Վրաստանում կազմակերպել առաջնորդների հանդիպում, քանի որ Վրաստանը պատմականորեն միշտ եղել է այն վայրը, որտեղ հանդիպել են բոլոր հարևանները։ Բայց Հայաստանը պատրաստ չէ դրան։ Սա հնարավոր ռիսկերից մեկն է։ Եթե կովկասյան երեք երկրները միավորեն իրենց ջանքերը՝ էներգետիկայի, տրանսպորտի, անվտանգության, կայունության, սահմանների սահմանազատման ոլորտում, ապա տարածաշրջանը կդառնա շատ ավելի անվտանգ»,- ասել է պետության ղեկավարը։