Իլհամ Ալիևը զանգահարել է Մասուդ Փեզեշքիանին

Հուլիսի 9-ին Ադրբեջանի Հանրապետության նախագահ Իլհամ Ալիևը զանգահարել է Իրանի Իսլամական Հանրապետության նախագահ Մասուդ Փեզեշքիանին:

Ինչպես հայտնում է Caliber.Az-ը, այս մասին տեղեկացնում է Ադրբեջանի նախագահի մամուլի ծառայությունը:

Երկրի ղեկավարը շնորհավորել է Մասուդ Փեզեշքիանին Իրանի Իսլամական Հանրապետության նախագահի պաշտոնում ընտրվելու կապակցությամբ և հաջողություններ մաղթել նրա գործունեության մեջ:

Նախագահ Իլհամ Ալիևը հրավիրել է Մասուդ Փեզեշքիանին այցելել Ադրբեջան:

Գոհունակությամբ ընդունելով հրավերը՝ Իրանի նախագահը շնորհակալություն է հայտնել ադրբեջանական պետության ղեկավարին և իր հերթին, Ադրբեջանի նախագահին հրավիրել պաշտոնական այց կատարել Իրանի Իսլամական Հանրապետություն։

Երկրի ղեկավարը գոհունակությամբ ընդունել է հրավերը: