Իլհամ Ալիևը վավերացրել է Ադրբեջանի և Տաջիկստանի միջև համագործակցությանը վերաբերող մի շարք փաստաթղթեր

Ադրբեջանի նախագահ Իլհամ Ալիևը հրամանագիր է ստորագրել Ադրբեջանի և Տաջիկստանի ներքին գործերի նախարարությունների միջև 2023 թվականի ապրիլի 5-ին Դուշանբեում ստորագրված համագործակցության համաձայնագրի վավերացման մասին:

Ինչպես հայտնում է Caliber.Az-ը, այս մասին ասված է ԱՀ նախագահի պաշտոնական կայքում զետեղված տեղեկատվության մեջ։

Բացի այդ, Իլհամ Ալիևը վավերացրել է 2023 թվականի ապրիլի 5-ին Դուշանբեում ստորագրված Ադրբեջանի Պետական մաքսային կոմիտեի և Տաջիկստանի Մաքսային ծառայության միջև տեղեկատվության փոխանակման կազմակերպման վերաբերյալ արձանագրությունը, ինչպես նաև Ադրբեջանի և Տաջիկստանի կառավարությունների միջև հողաշինարարության, կադաստրի, գեոդեզիայի, քարտեզագրության, Երկրի հեռահար զոնդավորման և աշխարհագրական տեղեկատվական համակարգերի բնագավառում համագործակցության մասին համաձայնագիրը: