Իլհամ Ալիևն ընդունել է ՄԱԿ-ի գլխավոր քարտուղարի օգնականին

Մայիսի 1-ին Ադրբեջանի նախագահ Իլհամ Ալիևն ընդունել է՝ ՄԱԿ-ի Գլխավոր քարտուղարի Օրենքի գերակայության և խաղաղապահ գործողությունների դեպարտամենտում անվտանգության հաստատությունների գծով օգնական Ալեքսանդր Զուևին։

Ինչպես հաղորդում է Caliber.Az-ը, այս մասին տեղեկությունը տեղադրված է Ադրբեջանի Հանրապետության ղեկավարի պաշտոնական կայքում։

Հանդիպմանը ընդգծվել է Միջմշակութային երկխոսության VI համաշխարհային ֆորումի կարևորությունը՝ գլոբալ մակարդակով արդի թեմաների քննարկման գործում։ Միջոցառմանը բազմաթիվ երկրներից ժամանած ազդեցիկ հյուրերի, ՄԱԿ-ի և այլ միջազգային կազմակերպությունների ներկայացուցիչների մասնակցությունը գնահատվել է, որպես համաշխարհային մակարդակով համաժողովի նկատմամբ մեծ հետաքրքրության ցուցանիշ:

Գոհունակությամբ նշվել է, որ Ադրբեջանը արդյունավետորեն համագործակցում է ՄԱԿ-ի և նրա կառույցների հետ, և ընդգծվել է, որ Ադրբեջանում COP29-ի անցկացումը կնպաստի այդ համագործակցության զարգացմանը։