Իրանում Ադրբեջանի դեսպանատունն ամբողջությամբ դադարեցրել է գործունեությունը

«Մենք ամբողջությամբ կասեցրել ենք դեսպանատան դիվանագիտական գործունեությունը»:

Caliber.Az-ի փոխանցմամբ՝ այս մասին լրագրողներին ասել է փոխարտգործնախարար Խալաֆ Խալաֆովը։

Խալաֆ Խալաֆովը նշել է, որ կան որոշակի ենթադրություններ, թե իբր դիվանագիտական գործունեությունը չի դադարեցվել.

«Բայց այն ամբողջությամբ կասեցված է։ Դեսպանատան վարչական շենքի և գույքի պահպանության հետ կապված այնտեղ մնում է 5 հոգի, դեսպանատանը մնացածները դիվանագիտական գործունեություն չեն ծավալի»։