Բայրամովը հանդիպել է Քենիայի Սենատի նախագահի հետ

Քենիա կատարած պաշտոնական այցի շրջանակներում Ադրբեջանի արտաքին գործերի նախարար Ջեյհուն Բայրամովը Նայրոբիում հանդիպել է այդ երկրի Սենատի նախագահ Ամասոն Քինգիի հետ։

Caliber.Az-ի հաղորդմամբ` այս մասին ասված է Ադրբեջանի արտաքին գործերի նախարարության հաղորդագրության մեջ։

Նշվում է, որ հանդիպման ընթացքում Ջեյհուն Բայրամովն ընդգծել է միջխորհրդարանական համագործակցության կարևորությունը և նշել խորհրդարանական բարեկամության խմբերի և համապատասխան հանձնաժողովների միջև ուղիղ կապեր հաստատելու անհրաժեշտությունը՝ վստահությունն ու փոխըմբռնումը ամրապնդելու համար։