Բայրամովն ընդունել է ռուս դիվանագետներին

Հունիսի 5-ին Ադրբեջանի արտաքին գործերի նախարար Ջեյհուն Բայրամովն ընդունել է Ռուսաստանի արտաքին գործերի փոխնախարար Ալեքսանդր Գրուշկոյին և եվրոպական երկրներում հավատարմագրված Ռուսաստանի դիվանագիտական առաքելությունների ղեկավարներին։

Ինչպես Caliber.Az-ին հայտնել են ԱՀ արտաքին գործերի նախարարությունից, հանդիպմանը քննարկվել են ադրբեջանա-ռուսական հարաբերությունների քաղաքական, առևտրային, տնտեսական, հումանիտար և այլ ասպեկտներ, տարածաշրջանային և միջազգային անվտանգության հարցեր, հետհակամարտային շրջանում տարածաշրջանում ստեղծված իրավիճակը։

Ջեյհուն Բայրամովն ընդգծել է ադրբեջանա-ռուսական հարաբերությունների զարգացման գործում ինտենսիվ փոխայցելությունների և շփումների կարևորությունը։ Հանդիպման մասնակիցները շնորհակալություն են հայտնել նրան ընդունելության համար և հարցեր տվել Ադրբեջանի արտաքին քաղաքականության վերաբերյալ։