«Խարըբյուլբյուլ» փառատոնը կանցկացվի Շուշայում և Լաչինում

Մայիսի 11-13-ը Ադրբեջանում տեղի կունենա «Խարըբյուլբյուլ» VII միջազգային երաժշտական փառատոնը, որի կազմակերպիչներն են Հեյդար Ալիևի Հիմնադրամը և մշակույթի նախարարությունը։

Caliber.Az-ի փոխանցմամբ՝ փառատոնը, որն այս տարի նշում է իր 35-ամյակը, կանցկացվի Շուշա և Լաչին քաղաքներում։

Մայիսի 11-ին Ջըդըրդուզու հարթավայրում տեղի կունենա համերգ՝ նվիրված «Շուշա՝ 2024 թվականի իսլամական աշխարհի մշակութային մայրաքաղաք» տարվա բացմանը և «Խարըբյուլբյուլ» VII միջազգային երաժշտական փառատոնին:

Փառատոնը մայիսի 13-ին կշարունակվի Լաչինում։ Հաքարի գետի ափին համերգ կկազմակերպվի տարբեր երկրների կատարողների մասնակցությամբ։