Հայաստանում սպասվում է տնտեսական աճի դանդաղում

2024 թվականին կունենանք տնտեսական աճի որոշակի դանդաղում, ակնկալում ենք, որ տնտեսական աճը կկազմի շուրջ 6 տոկոս։

Ինչպես հայտնում է Caliber.Az-ը՝ հայկական ԶԼՄ-ներին հղումով, այս մասին հայտարարել է ՀՀ Կենտրոնական բանկի նախագահի տեղակալ Արմեն Նուրբեկյանը։

Նրա խոսքով, 2022 թվականին տնտեսական աճը կազմել է 12,6%, իսկ 2023 թվականին՝ մոտ 8%։

Ա.Նուրբեկյանն անդրադարձել է նաև գնաճի հարցին.

«Սցենարների երկու հիմնական ուղղություն կա: Առաջին սցենարն այն է, որ գնաճային միջավայրը կմնա մեղմ, և դա պայմանավորված է նրանով, որ աշխատաշուկայում կունենանք ճնշումների թուլացում։ Բայց կա մեկ այլ սցենար, ըստ որի գնաճային սպասումները որոշակիորեն կպահպանվեն, քանի որ ունենք աշխատավարձի 10%-ից ավելի աճ։ Սա բարձր ցուցանիշ է, մյուս կողմից՝ ծառայությունների ոլորտում ունենք բարձր գնաճ»,- նշել է Արմեն Նուրբեկյանը։