«Պատմական արդարությունը վերականգնվել է, և Ղարաբաղը բռնել է վերածննդի ուղին» Ուզբեկստանի նախագահը շնորհավորել է Ադրբեջանին

Ուզբեկստանի նախագահ Շավքաթ Միրզիյոևը շնորհավորել է նախագահ Իլհամ Ալիևին՝ Ադրբեջանի տարածքային ամբողջականության լիովին վերականգնման կապակցությամբ։

Ինչպես հաղորդում է Caliber.Az-ը, այս մասին Ուզբեկստանի ղեկավարն ասել է՝ Աստանայում Թուրքական պետությունների կազմակերպության (ԹՊԿ) 10-րդ հոբելյանական գագաթնաժողովի բացման ժամանակ։

Ուզբեկստանի նախագահն ընդգծել է, որ պատմական արդարությունն այժմ վերականգնվել է, և Ղարաբաղն արդեն բռնել է վերածննդի ու բարգավաճման ճանապարհը։

Շ.Միրզիյոևն ասել է, որ Ադրբեջան կատարած այցի ընթացքում այցելել է Շուշա և Ֆիզուլի և ականատես եղել՝ երկրի ազատագրված տարածքներում վերականգնման լայնածավալ աշխատանքներին. «Ես ևս մեկ անգամ անկեղծորեն շնորհավորում եմ ադրբեջանական ժողովրդին՝ Ադրբեջանի տարածքային ամբողջականության ապահովման կապակցությամբ»։