Ադրբեջանցի զինվորականները հետևել են՝ Թուրքիայում անցկացվող «KURTARAN-2025» զորավարժություններին

Թուրքիայի Մարմարիս քաղաքում անցկացվել են՝ «KURTARAN-2025» ստորջրյա որոնողափրկարարական զորավարժությունները, որոնց որպես դիտորդ մասնակցել է Ադրբեջանի ռազմածովային ուժերի զինծառայողների խումբը։
 
Զորավարժությունների պլանի համաձայն՝ որոնողական-փրկարարական նավերը հատուկ սարքավորումների և ռոբոտների օգնությամբ կատարել են՝ աղետի մեջ գտնվող սուզանավի որոնման, ինչպես նաև փրկարարների կողմից խորտակված նավի անձնակազմին սնունդ և դեղորայք փոխանցելու և անձնակազմին հատուկ սարքավորումների  կիրառմամբ փրկելու առաջադրանքներ։
 
Զորավարժությունների շրջանակներում կատարվել են նաև որոնողական-փրկարարական գործողություններ՝ օգտագործելով ուղղաթիռներ և ինքնաթիռներ։ Կատարվել են օդային միջոցներից պարաշյուտով ծով ցատկումներ, միջոցներ են ձեռնարկվել ջրի մակերեսին օգնության կարիք ունեցող խորտակված նավի անձնակազմին անհրաժեշտ պարենամթերք նետելու և տուժածներին տարհանելու համար։