Փեզեշկիան. Թեհրանը կձգտի ռազմավարական հարաբերություններ կառուցել Բաքվի հետ

Իրանը ձգտելու է Ադրբեջանի հետ ռազմավարական հարաբերություններ կառուցել բոլոր ոլորտներում։

Ինչպես հաղորդում է Report-ը, այս մասին հայտարարել է Իրանի նախագահ Մասուդ Փեզեշկիանը՝ Ադրբեջանի նախագահ Իլհամ Ալիևի հետ համատեղ մամուլի ասուլիսում:

Նա նշել է, որ երկու երկրները կարող են ինքնուրույն լուծել իրենց խնդիրները՝ բանակցությունների միջոցով։

«Մենք կարող ենք ամրապնդել մեր հարաբերությունները որպես տարածաշրջանի երկրներ՝ միմյանց տարածքային ամբողջականության նկատմամբ փոխադարձ հարգանքով։ Մենք կարող ենք բացել ճանապարհներ և ֆինանսական ուղիներ։ Այսպիսով, մենք կօգնենք միմյանց։ Մեր արտադրողները կարող են համատեղ աշխատել։ Մենք չպետք է թույլ տանք, որ ուրիշները տարաձայնություններ մտցնեն մեր միջև», - ասել է Փեզեշկիանը։