Միշչենկո. Ադրբեջանի ազատագրված տարածքների վերականգնումը օրինակ է Ուկրաինայի համար

Ադրբեջանի ազատագրված տարածքների վերականգնումը ապագայում կարող է օրինակ դառնալ Ուկրաինայի համար։

Այս մասին հայտարարել է Ուկրաինայի արտաքին գործերի փոխնախարար Ալեքսանդր Միշչենկոն, տեղեկացնում է Caliber.Az-ը։

Նա անկեղծորեն շնորհավորել է բոլոր ադրբեջանցիներին երկրի տարածքային ամբողջականության վերականգնման կապակցությամբ՝ այն անվանելով ամենամեծ նվաճում, տոն ադրբեջանական ժողովրդի համար և օրինակ՝ Ուկրաինայի համար։

Ուկրաինայի արտաքին գործերի նախարարության ներկայացուցիչը նաև ընդգծել է Ադրբեջանի հետ հարաբերությունների զարգացումը և բարձր է գնահատել նրա աջակցությունն ու մարդասիրական օգնությունը ուկրաինացի ժողովրդին։

«Վերջերս աշխատանքային այցով եղա Ադրբեջանում։ Մենք խորհրդակցություններ անցկացրինք արտաքին գործերի, էկոնոմիկայի, էներգետիկայի նախարարություններում, ինչպես նաև Պետական նավթային ընկերությունում։ Քննարկեցինք տարբեր նախագծեր։ Մենք բարձր ենք գնահատում Ադրբեջանի կողմից ցուցաբերված օգնությունը, մասնավորապես՝ էներգետիկ օբյեկտների վերականգնման, Ուկրաինայի ավերված ենթակառուցվածքների վերականգնման և երեխաների ռեաբիլիտացիայի գործում։ Սա նշանակալի աջակցություն է։ Այս պահին խմբերից մեկը գտնվում է այստեղ։ Մենք անկեղծորեն շնորհակալ ենք այս ամենի համար», - ասել է նա։