Ադրբեջանը դեսպանատուն կբացի Դաքքայում

Բանգլադեշը պատրաստակամություն է հայտնել Դաքքայում հյուրընկալել Ադրբեջանի դիվանագիտական ​​առաքելությունը։
 
Ինչպես հաղորդում է Trend-ը, այս հարցը քննարկվել է՝ Ադրբեջանի փոխարտգործնախարար Էլնուր Մամեդովի և Բանգլադեշի արտաքին գործերի նախարար Ջաշիմ Ուդդինի հանդիպման ժամանակ։
 
Բանակցությունները տեղի են ունեցել՝ Դաքքայում կայացած երկկողմ խորհրդակցությունների երկրորդ փուլի շրջանակներում։ Կողմերը քննարկել են երկկողմ հարաբերությունների ողջ շրջանակը և գոհունակություն հայտնել՝ քաղաքական, տնտեսական, մշակութային և բազմակողմ ոլորտներում համագործակցության աճող դինամիկայից։
 
Բանգլադեշի արտաքին գործերի նախարարը վերահաստատել է՝ երկրում Ադրբեջանի դեսպանատուն բացելու կարևորությունը և կոչ է արել կայուն լուծում գտնել՝ Բանգլադեշի քաղաքացիների Ադրբեջան մեկնելիս վիզաների հետ կապված դժվարությունների համար։