Ռովշան Նաջաֆ. Մենք պետք է բարձրացնենք ադրբեջանական ֆուտբոլի մակարդակը

«ԱՖՖԱ-ն, ֆեդերացիաները, լրատվամիջոցները, հովանավորները, մենք բոլորս պետք է համախմբվենք և բարձրացնենք ադրբեջանական ֆուտբոլի մակարդակը»։

Ինչպես հաղորդում է Сaliber.Az-ը, այս մասին ասել է ԱՖՖԱ-ի նոր նախագահ Ռովշան Նաջաֆը՝ ելույթ ունենալով ԱՖՖԱ-ի այսօրվա համաժողովում։

«Ֆուտբոլում առաջխաղացման մեծ հնարավորություններ կան։ Մենք պետք է միասին աշխատենք և նախ որոշենք մեր նպատակները։ Մենք կարճ ժամանակում կմշակենք նոր ռազմավարություն: Մենք պետք է իմանանք, որ ճիշտ ուղու վրա ենք և կարող ենք հասնել մեր նպատակներին: Հավատում եմ, որ ռազմավարության շնորհիվ մենք կհասնենք դրանց։ Պետք է մեծ ուշադրություն դարձնել մանկապատանեկան ֆուտբոլի զարգացմանը, բացահայտել պատանի տաղանդներին և նպաստել նրանց հաջող ելույթներին ազգային հավաքականում»,- ասել է ԱՖՖԱ-ի նախագահը։