Սի Ծինփինը՝ Ալիևին. կարևորում եմ մեր անձնական բարեկամությունը

Չինաստանի Ժողովրդական Հանրապետության նախագահ Սի Ծինփինը նամակ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Նամակում նշվում է. «Վերջին տարիների ընթացքում չին-ադրբեջանական հարաբերություններն աչքի են ընկել իրենց զարգացման օրինակելիությամբ և կայունությամբ։ Ստեղծվում է բարձր մակարդակի քաղաքական վստահություն, խթանվում է «Մեկ գոտի, մեկ ճանապարհ» համատեղ նախաձեռնությունը, նկատվում է սերտ համագործակցություն միջազգային հարցերում։

Ես կարևորում եմ չին-ադրբեջանական հարաբերությունների զարգացումը, բարձր եմ գնահատում մեր լավ աշխատանքային հարաբերություններն ու անձնական բարեկամությունը և պատրաստ եմ աշխատել Ձեզ հետ՝ երկկողմ հարաբերություններն ու համագործակցությունը բոլոր ոլորտներում նոր մակարդակի բարձրացնելու համար։

Մաղթում եմ Ձեզ քաջառողջություն և հաջողություններ Ձեր պատասխանատու գործունեության մեջ»։