«Սլովակիայի հետ հարաբերությունների զարգացումը մեծ նշանակություն ունի մեզ համար» Ալիևը շնորհավորել է Պելեգրինին

Ադրբեջանի Հանրապետության նախագահ Իլհամ Ալիևը շնորհավորել է Պետեր Պելեգրինին Սլովակիայի Հանրապետության նախագահի պաշտոնում ընտրվելու կապակցությամբ։

Ըստ AZERTAC-ի՝ պետության ղեկավարի ուղերձում ասվում է. «Մեզ համար մեծ նշանակություն ունի Սլովակիայի հետ մեր բարեկամական հարաբերությունների զարգացումը։ Ներկայումս առկա են լավ հնարավորություններ տարբեր ոլորտներում ադրբեջանա-սլովակյան համագործակցությունը նոր բովանդակությամբ հարստացնելու համար»։

Վստահություն հայտնելով, որ անցյալ տարի Բրատիսլավայում բացված Ադրբեջանի դեսպանությունը կնպաստի երկկողմ հարաբերությունների ընդլայնմանը, Ադրբեջանի նախագահը նշել է. «Վստահ եմ, որ մենք համատեղ ջանքեր կգործադրենք մեր միջպետական կապերի հետագա ամրապնդման, համագործակցության խորացման համար՝ ի շահ մեր ժողովուրդների»։

Երկրի ղեկավարը նախագահ Պյոտր Պելեգրինին մաղթել է քաջառողջություն, երջանկություն և հաջողություններ առաջիկա պատասխանատու գործունեության մեջ՝ ի շահ Սլովակիայի բարեկամ ժողովրդի։