ԱԳՆ-ն հերքել է Իսրայելում Ադրբեջանի քաղաքացու անհետացման մասին տեղեկությունը

Իսրայելում ադրբեջանցու անհետացման մասին տեղեկությունը չի հաստատվել։

Այս մասին երկուշաբթի հայտնել են Ադրբեջանի ԱԳՆ-ում՝ ի պատասխան Caliber.Az-ի հարցման։

Նշենք, որ Իսրայելում ՀԱՄԱՍ-ի հարձակումների հետևանքով զոհվել է Ադրբեջանում ծնված 7 քաղաքացի՝ Շամիլ Աբբասովը (Իսրայելի քաղաքացի), Էմին Ախունդովը (Իսրայելի քաղաքացի), Իլքին Նազարովը (Ադրբեջանի քաղաքացի), Լիոր Ազիզովը (քաղաքացիությունը ճշտվում է), Ռոման Գանդելը (Իսրայելի քաղաքացի), Էդեն Աբդուլլաևը (Իսրայելի քաղաքացի) և Էմիլ Սամուելովը (քաղաքացիությունը ճշտվում է):

Նշենք, որ հոկտեմբերի 7-ին կոմբինացված հարձակում է իրականացվել Իսրայելի վրա։ Ի սկզբանե Գազայի հատվածի տարածքից սկսվել է զանգվածային հրթիռային գնդակոծություն, որին հաջորդել է գրոհայինների ներթափանցումը ցամաքով, ջրով և օդով։ Արդյունքում զոհերի թիվը գերազանցել է 1300-ը, վիրավորվել՝ 3300 մարդ։