Ադրբեջանը և Թուրքիան քննարկել են միգրացիայի ոլորտում համագործակցության հարցեր

Ադրբեջանի պետական միգրացիոն ծառայության ղեկավար Վուսալ Հուսեյնովը Ժնևում Փախստականների հարցերով գլոբալ ֆորումի շրջանակներում հանդիպել է Թուրքիայի փոխարտգործնախարար Յասին Էքրեմ Սերիմի հետ։

Ինչպես հայտնում է Caliber.Az-ը, այս մասին ասվում է Թուրքիայի ԱԳՆ-ի X-ի էջում զետեղված հաղորդագրության մեջ։

Հանդիպման ընթացքում կողմերը քննարկել են համագործակցության հետագա զարգացումը, մասնավորապես հյուպատոսական և միգրացիոն հարցերի շուրջ։

«Մենք միշտ աջակցում ենք եղբայրական Ադրբեջանին։ Շարունակելու ենք միասին աշխատել «Մեկ ազգ, երկու պետություն» կարգախոսի ներքո՝ հանուն մեր տարածաշրջանի բարգավաճման և խաղաղության», - նշվում է հրապարակման մեջ: