Ուկրաինական հեռուստաալիքը արդարանում է Բաքվում COP29-ի մասին կանխակալ նյութի համար

«Ուկրաինայի արտաքին հեռարձակման մուլտիմեդիա հարթակ» (ՈՒԱՀՄՀ ՊՀ) ուկրաինական պետական հիմնարկությունում ներառված «Ազատություն» հեռուստաալիքը, պաշտոնական նամակ է հղել ադրբեջանական Minval.az կայքի խմբագրությանը։
 
Ադրբեջանական հրապարակմանը  դիմելու պատճառ է դարձել՝ COP29-ին նվիրված «Նայեք ինքներդ» հաղորդաշարի թողարկումը։ Հաղորդման մեջ  հնչել են արտարարություններ, որոնք մեր գործընկերներն անընդունելի են համարել։
 
Պատասխանը ստորագրել է «ՈՒԱՀՄՀ» պետական ​​հիմնարկության գլխավոր տնօրեն Յուլիա Բինը։ Նամակում պարզաբանվում է, որ «Նայեք ինքներդ» հաղորդումը հանդիսանում է ուկրաինացի լրագրող Վլադիմիր Ռունցի հեղինակային նախագիծը, իսկ դրա արտադրությունն իրականացնում է «SLM News» անկախ ընկերությունը։ «ՈՒԱՀՄՀ» պետական ​​հիմնարկությունը, հետևելով Ուկրաինայի օրենսդրությանը, չի միջամտում լրագրողների խմբագրական քաղաքականությանը և գործունեությանը։ Ընդգծվում է, որ հաղորդման մեջ արտահայտված տեսակետները բացառապես հեղինակի սուբյեկտիվ կարծիքն են և չեն արտացոլում՝ «Ազատություն» հեռուստաալիքի կամ Ուկրաինայի պետության պաշտոնական դիրքորոշումը։
 
Նամակը կենտրոնանում է COP29-ին Ուկրաինայի հաջող մասնակցության վրա: Յու. Բինը հիշեցրել է, որ Ուկրաինայի շրջակա միջավայրի պահպանության նախարար Սվետլանա Գրինչուկը նշել է, որ համաժողովում ընդունվել են կարևոր որոշումներ, այդ թվում՝ կլիմայական նոր նպատակ՝ զարգացող երկրներին աջակցելու համար տարեկան 300 միլիարդ դոլար։ Ընդգծվել է նաև, որ COP29-ի ուկրաինական տաղավարը զգալի ուշադրություն է գրավել միջազգային գործընկերների կողմից, ինչի շնորհիվ պայմանավորվածություններ են ձեռք բերվել Ուկրաինայի «կանաչ» վերականգնման վերաբերյալ։
 
Համաժողովի շրջանակներում տեղի է ունեցել հանդիպում՝ Ուկրաինայի և Ադրբեջանի բնապահպանության նախարարների միջև, որի ընթացքում ստորագրվել է բնապահպանության ոլորտում համագործակցության հուշագիր։ Ուկրաինան նաև աջակցել է Ադրբեջանի ութ նախաձեռնություններին, ինչը կարևոր քայլ էր երկկողմ հարաբերությունների ամրապնդման գործում։
 
Minval.az-ի խմբագրությունը իր պատասխանում շնորհակալություն է հայտնել «Ազատություն» հեռուստաալիքին՝ արագ արձագանքելու համար և հույս հայտնել, որ ապագայում ուկրաինական հեռուստաալիքը օբյեկտիվորեն կլուսաբանի իրադարձությունները և կամրապնդի վստահությունն ու փոխըմբռնումը Ադրբեջանի և Ուկրաինայի միջև։