Ադրբեջանի ՌՕՈՒ օդաչուները կատարելագործում են մարտական հմտությունները

Այս տարվա ուսումնական պլանի համաձայն՝ Ադրբեջանի Ռազմաօդային ուժերի ավիացիոն միջոցները ուսումնական թռիչքներ են իրականացրել։

Ինչպես Caliber.Az-ին հայտնել են ՊՆ-ից, նախ ստուգվել են օդաչուների տեսական գիտելիքները ուսումնական թռիչքներ կատարելու պայմանների և անվտանգության կանոնների, ինչպես նաև օդաչուների առողջական վիճակի մասին։

Այնուհետ օդաչուները Սու-25 և Սու-25 ՄԼ գրոհային ինքնաթիռների ստուգում են անցկացրել։ Պլանին համապատասխան՝ իրականացվել են թռիչք և վայրէջք, տարբեր բարձրություններում բարդ պիլոտաժային մանևրներ, կատարվել են պայմանական հակառակորդի ցամաքային թիրախների կոորդինատների որոշման, օդային հետախուզության և այլ առաջադրանքներ:  

Ուսումնամարզական թռիչքների հիմնական նպատակը անձնակազմի մարտական հմտությունների կատարելագործումն է։ Հանձնարարված բոլոր առաջադրանքները ռազմական օդաչուները կատարել են բարձր ճշգրտությամբ և պրոֆեսիոնալիզմով։