Ադրբեջանում սպասվում է կենսաթոշակների ինդեքսավորում և բարձրացում

Ադրբեջանում հաջորդ ամսվանից սպասվում է կենսաթոշակների ինդեքսավորում և բարձրացում։

Այս մասին Caliber.Az-ին հայտնել է Ադրբեջանի Միլլի Մեջլիսի պատգամավոր Վուգար Բայրամովը։

Նա նշել է, որ վերջին ամիսների վիճակագրությունը ցույց է տալիս, որ Ադրբեջանում անվանական միջին ամսական աշխատավարձը 2023 թվականի վերջին ամիսներին աճել է մոտ 11-11,2 տոկոսով։

«Իսկ դա նշանակում է, որ հաջորդ ամսվանից աշխատանքային կենսաթոշակները ինդեքսավորվելու են միջինը 11 տոկոսով։ Սա կտարածվի աշխատանքային կենսաթոշակ ստացող մեր բոլոր քաղաքացիների վրա, միաժամանակ ներառելու է նրանց աշխատանքային կենսաթոշակի ամբողջ չափը, քանի որ աշխատանքային կենսաթոշակներն արդեն ամբողջությամբ ինդեքսավորվել են։ Նախկինում մեր մոտ 100 հազար քաղաքացիների կենսաթոշակները չեն ինդեքսավորվել, սակայն նոր կանոնների համաձայն՝ աշխատանքային կենսաթոշակ ստացող Ադրբեջանի բոլոր քաղաքացիների, այդ թվում՝ զինվորականների կենսաթոշակները ինդեքսավորվելու և բարձրացվելու են։ Արդեն 2024 թվականի հունվարից կլինի բարձրացում, որը հնարավորություն կտա միջինը 11 տոկոսով արձանագրել աշխատանքային կենսաթոշակ ստացող Ադրբեջանի քաղաքացիների կենսաթոշակների բարձրացում»,- հավելել է Վ.Բայրամովը։