Էլչին Ամիրբեկովը Ալիզա Բին Նունի հետ քննարկել է տարածաշրջանում տիրող իրավիճակը

Ադրբեջանի նախագահի հատուկ հանձնարարությունների գծով ներկայացուցիչ Էլչին Ամիրբեկովը Իսրայելի արտաքին գործերի նախարարության քաղաքական տնօրեն Ալիզա Բին Նունի հետ քննարկել է իրավիճակը Հարավային Կովկասում և Մերձավոր Արևելքում։

Ինչպես հայտնում է Caliber.Az-ը, այս մասին «X» սոցիալական ցանցի իր էջում գրել է Իսրայելի ԱԳՆ ներկայացուցիչ Ալիզա Բին Նունը։

«Մենք բարեկամական հանդիպում ունեցանք Ադրբեջանի նախագահի հատուկ հանձնարարությունների գծով ներկայացուցիչ, դեսպան Էլչին Ամիրբեկովի հետ: Քննարկումների ընթացքում շոշափվել են երկկողմ և տարածաշրջանային հիմնական հարցերը, հատուկ ուշադրություն է հատկացվել Հարավային Կովկասում և Մերձավոր Արևելքում ընթացիկ իրադարձություններին»,- ասվում է հրապարակման մեջ։