Միլլի Մեջլիս. Շվեյցարիայի Ազգային խորհրդի հայամետ անդամները անտեսում են հարյուր հազարավոր ադրբեջանցիների իրավունքները

Միլլի Մեջլիսը ափսոսանք է հայտնել՝ դեկտեմբերի 17-ին Շվեյցարիայի Ազգային խորհրդում՝ գոյություն չունեցող «Լեռնային Ղարաբաղի հակամարտության» վերաբերյալ խաղաղության միջազգային ֆորում կազմակերպելու առաջարկի քննարկման և Ադրբեջանի Ղարաբաղի տարածաշրջանը ինքնակամ լքած հայերի վերադարձին նպաստելու համար՝ Շվեյցարիայի կառավարությանը նման համաժողով անցկացնելու կոչի կապակցությամբ:
 
Ինչպես հայտնում է Report-ը, Միլլի Մեջլիսն իր հայտարարության մեջ նշել է, որ Ղարաբաղը Ադրբեջանի անբաժանելի մասն է, և դա հաստատվում է միջազգային իրավունքով ու ՄԱԿ-ի բանաձևերով։ Միևնույն ժամանակ, Շվեյցարիայի Ազգային խորհրդի հայամետ անդամները անտեսում են 1980-ականներին Հայաստանից բռնի կերպով վտարված հարյուր հազարավոր ադրբեջանցիների իրավունքները, ինչպես նաև ադրբեջանցիների մշակութային ժառանգության ոչնչացումը։
 
Ադրբեջանի օրենսդիր մարմինն ընդգծել է, որ Բաքվի և Երևանի միջև հարաբերությունների կարգավորումն իրականացվում է երկկողմ բանակցությունների շրջանակներում, և որ այդ գործընթացում որոշակի առաջընթաց է գրանցվել։
 
Ադրբեջանի խորհրդարանում նաև օբյեկտիվ են անվանել՝ Շվեյցարիայի կառավարության արձագանքը Ազգային խորհրդի առաջարկին։ Մասնավորապես, Շվեյցարիայի կառավարությունը մերժել է այս առաջարկը։ «Շվեյցարիայի կառավարությունն այսպիսով հաստատել է իր հավատարմությունը՝ երկրների տարածքային ամբողջականության և ինքնիշխանության սկզբունքներին», - ասվում է հայտարարության մեջ:
 
Միլլի Մեջլիսը կոչ է արել միջազգային հանրությանը՝ հարգել երկրների տարածքային ամբողջականությունը և զերծ մնալ այն նախաձեռնություններից ու գործողություններից, որոնք կարող են խոչընդոտել Հարավային Կովկասում խաղաղության և կայունության հաստատմանը։