Թուրքական պետությունների մարզիկները Փարիզի Օլիմպիական խաղերում նվաճել են 41 մեդալ

Թուրքական պետությունների մարզիկները Փարիզի Օլիմպիական խաղերում նվաճել են 41 մեդալ։

Ինչպես հայտնում է Caliber.Az-ը, այս մասին Facebook սոցիալական ցանցում հայտնել է՝ Թուրքական պետությունների կազմակերպության (ԹՊԿ) գլխավոր քարտուղար Կուբանըչբեկ Օմուրալիևը։

«Շնորհավորում ենք մեր բոլոր մարզիկներին և երկրպագուներին-, ասել է նա։

Հիշեցնենք, որ ադրբեջանցի մարզիկները 7 մեդալ են նվաճել Փարիզում կայացած XXXIII ամառային օլիմպիական խաղերում։ Ձյուդոիստներ Հիդայաթ Հեյդարովը (73 կգ) և Զելիմ Կոցոևը (100 կգ) դարձել են օլիմպիական չեմպիոններ։ Արծաթե մեդալներ են նվաճել թեքվոնդոիստ Գաշիմ Մագոմեդովը (58 կգ) և բռնցքամարտիկ Ալֆոնսո Դոմինգեսը (92 կգ), իսկ հունահռոմեական ոճի ըմբիշ Հասրատ Ջաֆարովը (67 կգ), ազատ ոճայիններ Գեորգի Մեշվիլդիշվիլին և Մագոմեդխան Մագոմեդովը՝ բրոնզե մեդալներ:
Ղազախստանցի մարզիկները նույնպես 7 մեդալ են նվաճել, այդ թվում՝ մեկ ոսկե, երեք արծաթե և երեք բրոնզե: Ղրղզստանի մարզիկները նվաճել են 6 օլիմպիական մեդալ (2 արծաթ և 4 բրոնզ): Մրցումների արդյունքներով Թուրքիայի հավաքականը նվաճել է 8 մեդալ, որից երեքը արծաթե և հինգը բրոնզե։ Փարիզի ամառային օլիմպիական խաղերը Ուզբեկստանի համար ամենահաջողն են դարձել երկրի անկախության ողջ պատմության ընթացքում՝ մարզիկները նվաճել են 13 մեդալ՝ 8 ոսկե, 2 արծաթե և 3 բրոնզե։

Մեդալային հաշվարկում Ուզբեկստանը զբաղեցրել է 13-րդ տեղը, Ադրբեջանը՝ 30-րդ, Ղազախստանը՝ 43-րդ, Թուրքիան՝ 64-րդ, Ղրղզստանը՝ 68-րդ տեղը։