Թուրք և ադրբեջանցի կինոգործիչները համատեղ պատմական ֆիլմ կնկարահանեն

Ադրբեջանի Հանրապետության կինոգործակալության և թուրքական հայտնի Saka Film Prodüksiyon և Tulpar Film կինոընկերությունների միջև ստորագրվել է փոխըմբռնման հուշագիր։

Ինչպես գործակալությունից հայտնել են AZERTAC-ին, հուշագրի համաձայն, նախատեսվում է նկարահանել համատեղ ֆիլմ՝ «Ոսկե գնացք» (Altın tren) անվամբ, որը շուտով կհայտնվի Ադրբեջանի և Թուրքիայի շուկաներում։

Փոխըմբռնման եռակողմ հուշագիրը, որը սահմանում է համատեղ գործունեությունը կինոարտադրության ուղղությամբ, ադրբեջանական կողմից ստորագրել է Կինոգործակալության գլխավոր տնօրենի պաշտոնակատար Օրխան Ֆիքրեթօղլուն։

Ֆիլմը, որը նախատեսվում է նկարահանել Ադրբեջանում, պատմում է 20-րդ դարի սկզբի Թուրքիայի և Ադրբեջանի հարաբերությունների մասին։ Ֆիլմի պատմում է, թե ինչպես զորավար Նուրու փաշան օգնության հասավ Ադրբեջանին, ինչպես ոսկով բեռնված վագոնները Ադրբեջանից ուղարկվեցին եղբայրական Թուրքիա: