Հրապարակվել է Ադրբեջանում ՄԻԱՎ-ով վարակվածների թիվը

1987 թվականից, երբ Ադրբեջանում առաջին անգամ հայտնաբերվել է ՄԻԱՎ վարակը, մինչև 2024 թվականի առաջին եռամսյակի վերջը՝ ՁԻԱՀ-ի հանրապետական կենտրոնում պաշտոնապես գրանցվել է ՄԻԱՎ վարակակիր 9598 քաղաքացի։ Նրանցից 6668-ը (69,5 տոկոս) տղամարդիկ են, 2930-ը (30,5 տոկոս) կանայք։

Ինչպես հաղորդում է AZERTAC-ը, այս մասին հայտարարել է՝ ՁԻԱՀ-ի դեմ պայքարի հանրապետական կենտրոնի փոխտնօրեն Գյունեշ Ջաֆարովան։

Նրա խոսքով, ՁԻԱՀ-ի հանրապետական կենտրոնում գրանցված ընդհանուր թվից երկրի քաղաքացիների 32,4 տոկոսը վարակվել է թմրամիջոցների ներարկային օգտագործման հետևանքով, 56,4 տոկոսը՝ հետերոսեքսուալ, 5,6 տոկոսը՝ միասեռական։ 1,4 տոկոսի դեպքում վարակը փոխանցվել է մորից երեխային։ Վարակման ուղին չի հաստատվել դեպքերի 4,2 տոկոսում։