Մանաթը 32 տարեկան է

1992 թ. օգոստոսի 15-ից, Ադրբեջանի անկախության վերականգնումից հետո, շրջանառության մեջ է դրվել ազգային արժույթը:

Ինչպես հայտնում է Сaliber.Az-ը, 1992 թ. օգոստոսին թողարկվել են 1, 10 և 250 մանաթ արժողությամբ թղթադրամները, նոյեմբերին՝ 5, 10, 20 և 50 կոպեկները, դեկտեմբերին՝ 5 մանաթ, իսկ 1993 թ. մարտին՝ 50, 100, 500 և 1000 մանաթ արժողությամբ թղթադրամները:

Ադրբեջանի նախագահի՝ դենոմինացիա անցկացնելու մասին կարգադրության համաձայն, 2006 թ. հունվարի 1-ից շրջանառության մեջ են դրվել նոր տիպի թղթադրամներ: Մեկ նոր մանաթը հավասարեցվել է 5 000 հին մանաթին:

Հարկ է նշել, որ Ադրբեջանի տարածքում, որպես վճարման միջոց օգտագործվում է միայն մանաթը, մյուս արժույթների օգտագործումը արգելված է: Մանաթի էմիսիայի և այն շրջանառությունից հանելու իրավունք ունի միայն երկրի Կենտրոնական բանկը:

Այսօրվա դրությամբ պաշտոնական փոխարժեքը հասար է 1,7000 մանաթ/դոլարի, և այս փոխարժեքը 2018 թվականի մարտի 7-ից մնում է անփոփոխ։