Պակիստանն ու Ադրբեջանը կանցկացնեն երկկողմ քաղաքական խորհրդակցությունների երրորդ փուլը

Մայիսի 30-ից հունիսի 1-ը Պակիստանը և Ադրբեջանը Բաքվում կանցկացնեն երկկողմ քաղաքական խորհրդակցությունների երրորդ փուլը, որին կմասնակցի Պակիստանի արտաքին գործերի նախարարի առաջին տեղակալը։

Այս մասին հայտնում է Caliber.Az-ը՝ հղում անելով պակիստանյան Business Recorder թերթին։

Կողմերը կվերլուծեն խորհրդակցությունների վերջին նիստում ընդունված որոշումների կատարման ընթացքը և աշխատանքային խմբերի ակտիվացումը։

Կողմերը կքննարկեն վարչապետների և արտաքին գործերի նախարարների բարձր մակարդակով հանդիպման հնարավորությունը, դեռևս չստորագրված Փոխըմբռնման հուշագրերի կարգավիճակը, ինչպես նաև Քաշմիրի և Ղարաբաղի վերաբերյալ ճեպազրույցի անցկացման հարցը: