Սահիլ Բաբաև. Բաքուն կավելացնի գազի մատակարարումները Բելգրադ

Պաշտոնական Բաքուն կավելացնի բնական գազի մատակարարումները Բելգրադ:

Ինչպես հաղորդում է Caliber.Az-ը, այս մասին հայտարարել է Ադրբեջանի աշխատանքի և բնակչության սոցիալական պաշտպանության նախարար Սահիլ Բաբաևը։

«Այս տարվա առաջին կիսամյակում Ադրբեջանը սերբական շուկա է առաքել ավելի քան 26 մլն խմ բնական գազ։ Բանակցություններ են ընթանում մատակարարումների ծավալն ավելացնելու համար, հնարավորությունները կընդլայնվեն, և մոտ ապագայում ադրբեջանական գազի մատակարարումը Սերբիա բազմիցս կավելանա»,- հինգշաբթի ասել է Բաբաևը ճեպազրույցում՝ նվիրված Ադրբեջանի և Սերբիայի միջև տնտեսական համագործակցության միջկառավարական հանձնաժողովի 8-րդ նիստին: