Սարըև. Հայաստանի հետ, մենք արդեն բոլորին ցույց ենք տվել, թե ով է հաղթողը, ով` պարտվողը

Ադրբեջանի բասկետբոլի (Մ-18) պատանեական հավաքականի գլխավոր մարզիչ Անար Սարըևը մեկնաբանել է՝ Եվրոպայի առաջնության C դիվիզիոնի B խմբի եզրափակիչ խաղում Հայաստանի նկատմամբ տարած հաղթանակը (76:69) և կիսաեզրափակիչ դուրս գալը, որտեղ նա կխաղա Ալբանիայի հետ:

Այս մասին հայտնում է Azerisport.com-ը։

«Մենք պատրաստ էինք հանդիպմանը և շատ լավ սկսեցինք այն։ Բայց տղաները մի քիչ հուզված էին, պատասխանատվություն էին զգում երկրի հանդեպ։ Շատերի համար սա առաջին անգամն էր, որ հանդիպում էր Հայաստանի հավաքականի հետ։ Բայց մենք զրուցեցինք տղաների հետ, բացատրեցինք, թե ինչ և ինչպես: Նրանք ասացին, որ այլևս չկա որևէ անձնական սկզբունքայնություն, մենք արդեն բոլորին ցույց ենք տվել, թե ով է հաղթողը, ով է պարտվողը։ Այսինքն՝ պետք է մրցահրապարակ դուրս գանք որպես մարզիկներ։ Տղաները հանգստացան, դուրս եկան խաղի ու հասան հաղթանակի։ Շնորհավորում եմ և՛ նրանց, և՛ մեր ժողովրդին այս հաղթանակի կապակցությամբ։

Կիսաեզրափակիչում մենք հանդիպելու ենք Ալբանիայի հետ։ Շուտով մենք կվերլուծենք նրանց խաղն ու գործողությունները և կպատմենք բասկետբոլիստներին, թե ինչպես հակադարձել նրանց։ Ամեն ինչ կանենք Ալբանիային հաղթելու և եզրափակիչ դուրս գալու համար»,- հայտարարել է Սարըևը։