Առողջապահության նախարարություն. Ադրբեջանում դիտարկվում է կորոնավիրուսով վարակվածների թվի աճ

Ադրբեջանում և հարևան երկրներում դիտարկվում կորոնավիրուսով վարակվածների թվի աճ է:

Ինչպես հայտնում է Caliber.Az-ը, այս մասին ասել է Առողջապահության նախարարության փորձագետ Գյունայ Իսմայիլովան։

Ըստ նրա՝ դրա պատճառը կարող է լինել ժամանակի ընթացքում ձեռք բերված կոլեկտիվ իմունիտետի թուլացումը և կարանտինի հետ կապված բոլոր սահմանափակումների վերացումը.

«Չմոռանանք, որ շատ վարակներ ակտիվանում են աշնանը: Սեզոնի փոփոխությունը որոշակի փոփոխություններ է առաջացնում մարդու օրգանիզմում։ Երբ եղանակը ցրտում է, օրգանիզմի դիմադրողականությունը նվազում է, այն թուլանում է, ուստի ավելանում են կորոնավիրուսով վարակվելու դեպքերը։ Աշնան ամիսներին շնչուղիների ինֆեկցիաների դեպքերի աճի պատճառը ցուրտ եղանակի սկսվելով փակ տարածքների ակտիվ օգտագործումն է: Հայտնի է, որ համավարակի յուրաքանչյուր նոր ալիք առաջացնում է վիրուսի նոր մուտացիաներ, որոնք կարող են շրջանցել իմունային համակարգը։ Այս ամենը հաշվի առնելով՝ հնարավոր է, որ աշնանը մեր երկրում կորոնավիրուսով վարակման դեպքերն ավելանան։