Ադրբեջանում բանտարկյալները կկարողանան օգտվել տեսազանգերից

Ադրբեջանում բանտարկյալները կկարողանան արտաքին աշխարհի հետ շփվել տեսակապի միջոցով, այլ ոչ թե միայն հեռախոսով, ինչպես մինչ այժմ էր։

Ինչպես հայտնում է Caliber.Az-ը, այդ կապակցությամբ առաջարկվում է փոփոխություն կատարել Պատժի կատարման օրենսգրքում։

Օրենսգրքում առաջարկվում է նոր՝ 84.1-1 հոդված, որի համաձայն, բանտարկյալը կարող է ընտրություն կատարել հեռախոսային և տեսակապի միջև՝ սույն օրենսգրքով սահմանված կարգով։ Տեսահանդիպումները կանցկացվեն այլ բանտարկյալներից մեկուսացված հատուկ սենյակում։