Ադրբեջանական բանակի զինծառայողն ինքնասպան է եղել

Ադրբեջանական բանակի զինծառայողն ինքնասպան է եղել:

Այս մասին Сaliber.Az-ին հայտնել է զինվորական դատախազի ավագ օգնական, Զինվորական դատախազության մամուլի ծառայության ղեկավար, արդարադատության ավագ խորհրդական Ֆիրադ Ալիևը։

Այսպես, Գուբադլիի զինվորական դատախազությունը տեղեկություն է ստացել, որ 2023 թվականի հունվարի 24-ին ՊՆ N-րդ զորամասի զինծառայող, զինվոր Սալահով Աքրամ Ասիմ օղլուն ինքնասպան է եղել՝ հրազենից կրակ բացելով։ Ստացված տեղեկատվության հիման վրա Գուբադլիի զինվորական դատախազության աշխատակիցները զննել են դեպքի վայրը և դիակը, որպես իրեղեն ապացույց առգրավել գործին առնչվող իրեր, ցուցմունքներ են ստացվել և կատարվել են այլ գործողություններ։

Փաստի առթիվ Գուբադլիի զինվորական դատախազությունում հարուցվել է քրեական գործ՝ ԱՀ ՔՕ 125-րդ հոդվածի (Ինքնասպանության դրդելը) հատկանիշներով, հարցաքննվել են վկաները, նշանակվել են համապատասխան փորձաքննություններ և կատարվել են անհետաձգելի քննչական գործողություններ։ Ներկա պահին հետաքննությունը շարունակվում է։