Ադրբեջանցի փրկարարները ժամանել են Քահրամանմարաշ

Ադրբեջանի արտակարգ իրավիճակների նախարարության մի խումբ աշխատակիցներ ժամանել են Քահրամանմարաշ քաղաք։

Caliber.Az-ի փոխանցմամբ՝ Ադանայի օդանավակայանից օդ բարձրացած փրկարարները ժամանել են Քահրամանմարաշ։

Ադրբեջանի արտակարգ իրավիճակների նախարարության աշխատակիցները այս պահին գտնվում են դեպքի վայրում, մասնակցում են երկրաշարժի հետևանքների վերացման աշխատանքներին:

Նշենք, որ Ադրբեջանի նախագահ Իլհամ Ալիևի հանձնարարականով Թուրքիա է ուղարկվել ԱԻՆ 420 աշխատակից՝ ավերիչ երկրաշարժի հետևանքների վերացման և որոնողափրկարարական աշխատանքներին աջակցելու համար։