Ադրբեջանում վերջին 10 տարում երկարակեցության ինդեքսն աճել է

Վերջին տարիներին Ադրբեջանում որակյալ բժշկական ծառայություններն ավելի մատչելի են դարձել։ Արդյունքում հանրապետությունում նվազել է մայրական և մանկական մահացության մակարդակը, իսկ կյանքի տևողությունը՝ ավելացել։

Ինչպես հաղորդում է Caliber.Az-ը, այս մասին «Վիվա լա վիդա» միջազգային կոնգրեսի և երկարակեցության ցուցահանդեսի բացման արարողության ժամանակ հայտարարել է՝ առողջապահության փոխնախարար Իլգար Գասըմովը։

Նրա խոսքով, բժշկության ոլորտում գրանցված առաջընթացը վերջին 10 տարիների ընթացքում հանգեցրել է մարդու կյանքի տևողության ավելացմանը. «Առողջ ու արդյունավետ կյանքով մարդկանց ապահովելու համար անհրաժեշտ է բժշկության հնարավորությունների օգտագործումը»: