«Գալաթասարայի» նախագահը շնորհակալություն է հայտնել Ադրբեջանին

Թուրքական «Գալաթասարայի» նախագահ Դուրսուն Օզբեկը՝ Բաքվում «Ղարաբաղի» հետ անցկացված բարեգործական խաղից հետո շնորհակալություն է հայտնել Ադրբեջանին։

Ինչպես հայտնում է Caliber.Az-ը, այս մասին նա կիսվել է ակումբի թվիթերյան միկրոբլոգում։

«Եղբայրական երկրի՝ «Ղարաբաղ» թիմի հետ մեր անցկացրած ընկերական հանդիպումը, որից ստացված շահույթը փոխանցվեց երկրաշարժից տուժած մեր քաղաքացիներին, մեզ շատ ուրախացրեց։ Ադրբեջանի Հանրապետության նախագահ Իլհամ Ալիևը և նրա տիկին՝ Մեհրիբան Ալիևան, մեզ պատվել են՝ այցելելով Բաքվի Օլիմպիական մարզադաշտում կազմակերպված խաղը։ Եվս մեկ անգամ երախտապարտ եմ ադրբեջանական ժողովրդին ջերմ ընդունելության համար»,- ասվում է հրապարակման մեջ։