Պատգամավոր Ֆազիլ Մուստաֆայի դեմ մահափորձ է կատարվել

Բաքվում իր տան դիմաց կրակել են ադրբեջանցի պատգամավոր Ֆազիլ Մուստաֆայի վրա, հայտնում է AzTV-ն։

Պատգամավորը ստացել է երկու հրազենային վիրավորում. Նա հոսպիտալացվել է։ Նրա վիճակը գնահատվում է բավարար, կյանքին վտանգ չի սպառնում։

Ներքին գործերի նախարարության տվյալներով՝ միջադեպը տեղի է ունեցել Սաբունչիի շրջանում։ Այս պահին դեպքի վայրում է օպերատիվ-որոնողական խումբը։ Միջադեպի մեջ կասկածվողի նկատմամբ հայտարարվել է հետախուզում։